Тойғұлов Абрахман Мұхамедиұлының атынан аудандық олимпиада

Ұ. Бағаев атындағы орта мектеп ұжымының ұйымдастыруымен, 24-наурыз күні мектепте Тойғұлов Абрахман Мұхамедиұлының атынан аудандық олимпиада өткізілді.  Тойғұлов Абрахман Мұхамедиұлы 1946 жылдың 1- қаңтарында дүниеге келген. Өмірінің жартысынан көбі    мектеп қабырғасында өтті десек те болады. Себебі, 50 жылдық еңбек өтілі педагогика саласында өткен. Осы жылдардың ішірде 7жыл тәрбие жұмысының меңгерушісі, 14 жыл оқу-ісінің меңгерушісі, 10 жыл мектеп директоры болып жұмяс жасады. 2009 жылы зейнетке шығып, өзі еңбек еткен мектепте мамандығы бойынша жұмысын жалғастырған.   1977 жылдан 2009 жылға дейін Кеген аудандық математиктер бірлестігінің жетекшісі, аудандық математика олимпиадасының қазылар алқасының төрағасы болған білікті ұстаз Абдрахман Мұхамедиұлының құрметіне  орай ұйымдастырылғанолимпиаданың ашылу салтанатына аудандық білім бөлімінің басшысы Мұратжан Қожанұлы мен аудандық әдіскер Жадыра Тастанқұлова, Қарасаз ауылының ардагер ұстазы Нөкеев Әділжан ағай мен аудан мектептерінің математиктері толықтай қатысты. Олимпиада 10-сыныптар арасында өтті. Олимпиадаға аудан мектептерінен 17 оқушы келіп қатысты. Олимпиадаға қатысқан барлық оқушылар Абрахман Мұхамедиұлының кітабы тарту етілді. Жүлделі 1,2,3-орын алған 7 оқушыға ұжым мүшелерінің демеушілігімен қомақты ақшалай сыйлықтар тарту етілсе,  қалған қатысушыларға да ақшалай ынталандыру сыйлықтар тапсырылды.
Бас жүлдені Ұ.Бағаев атындағы орта мектептің 10-сынып оқушысы Рымбай Диас иеленіп, мектеп мерейін үстем етті. Олимпиада жоғары деңгейде өтті.